Robert Mathelard

Èn årtike di Wikipedia.

Robert Mathelard, c' esteut on scrijheu e walon, aprume po fé des pretchmints po des messes e walon.

I skepia a Fårciene li 25 di may 1934, et mora a Tchålerwè li 11 di decimbe 2019.

Di s' mestî, il esteut curé (a Montniye-so-Sambe eyet doyén a Djumet et Tchålerwè.

Ouve pol walon[candjî | candjî l’ côde wiki]

I cminca a dire messe e walon ås fiesses di Walonreye e 1978, et porshuve disk' e 2019.

Il aveut dit messe e walon a Paris, ezès djournêyes « Paris walon », avou troes ôtes priyesses, André Materne, Lucien Thirion eyet Gaston Schoonbroodt li troes d’ måss 1993.

Il a stî rtrové cåzu moirt adon k' i dveut dire messe e walon a Egne pol Sint-Elwè. Si pretchmint esteut so s' buro, tapé al machene et coridjî, avou les fråzes impôrtantes sorligneyes avou do djaene, presse a esse lî divant les djins.[1]

Ses idêyes[candjî | candjî l’ côde wiki]

Si dierin siermon esteut rashiou so divwer do crustin a rcweri l' påye. Si ribouxheut i co sol clå po k' l' Urope ni soeye nén « k’ ene afwaire di liårds, eyou çki les etaesseus di liårds seront co pus ritches, eyet les pôves ene miete pus pôves. »[2]

Pol walon, i pinséve ki totes les pinsêyes, fouxhexhe-t ele foirt absitroetes et parfondes, si polnut dire e walon.

Sourdants[candjî | candjî l’ côde wiki]

  1. Pierre Arcq, El Bourdon l° 722, djanvî 2020, p. 5.
  2. El Bourdon, come roci ådzeu, p. 5-9.