Soûmagne
Li grande Soûmagne, c' est ene rebanêye comene di Walonreye, el province di Lidje.
C' est eto l' no d' on rixhot ki passe avåla.
Ban d' Soûmagne[candjî | candjî l’ côde wiki]
Djeyografeye[candjî | candjî l’ côde wiki]
Li comene di Soûmagne est vijhene des comenes di Blegneye, Fléron, Heve, Ône, eyet Trô. Elle est sol grande voye Lidje-Vervî-Åxhe, et bråmint d' djins di Lidje ou d' Vervî s' î vnèt astaler.
Istwere[candjî | candjî l’ côde wiki]
Li pus vî tecse ki djåze di Soûmagne (lomé Solmania adon) c' est on papîscrît do 25 d' awousse 915 wice ki Tchåle li Simpe, rwè des Francs, dinéve å Prince-Eveke di Lidje on bwès ki dvant çoula fjheut pårteye di Teus.
Industreye ey agriculteure[candjî | candjî l’ côde wiki]
Del fén do 19inme sieke disk' ås anêyes 1960, i gn a-st avou des houyires; ey ene coperative.
Dispoy adon, les terisses s' ont rascovrous di verdeure; oudonbén on-z î a constrût des lotixhmints d' måjhones, ou des grands botikes.
On trouve enute totès sôres di ptits comieces et di ptitès industreyes.
Mins li comene a dmoré cinsrece eto, avou 60 % des teres ki sont coûtivêyes.
Culteure eyet tourisse[candjî | candjî l’ côde wiki]
Dispoy les anêyes 1970, li Cinte culturel et des dijhinnes di soces diswalpèt ene sipitante veye culturele.
A vey:
- Li dominne provinciå di Wedjimont
- Li festival di muzike country, tos ls ans, a Cerexhe-Heuzeu.
- Li Muzêye del Veye do Peupe, ki mostere li vicaedje d' ene famile ovrire do cmince do 20inme sieke.
- Li viye hoyire des Bas-Bwès et s' belfleur, k' est ouy on park po s' pormoenner, djouwer, fé on fornea...
- Li viye voye 38 di tchmin d' fier, divnou on foirt bea ravel
- des bastimints temons do Payis d' Heve.
Difoûtrinne hårdêye[candjî | candjî l’ côde wiki]
Waibe del comene di Soûmagne (avou des pådjes e walon)
