Spotchaedje del voyale do prumî pî

Èn årtike di Wikipedia.
Potchî a: naiviaedje, cweri

Li spotchaedje de voyale do prumî pî, c' est l' dizartaedje di sacwantès voyales (lomêye spotchåvès voyales) cwand ele sont metowe sol prumire sillabe do mot, et k' gn a des voyales assez padvant et padrî po poleur respecter li rîle des troes cossounes.

E walon, li spotchaedje amoenne todi des noveas djivions : dj', dmande, vleut.

e rfondou walon[candjî | candjî l' côde wiki]

Voyale i[candjî | candjî l' côde wiki]

E rfondou walon, li spotchaedje si fwait sovint sol voyale i.

E walon, gn a des cas la k' li spotchaedje est oblidjî, des cas la k' i n' l' est nén.

dj(i) + a + fwin => dj' a fwin (oblidjî)
dji + d(i)mande => dji dmande /dji nmãt/ (cåzu oblidjî)
i + n' + v(o)leut nén => i n' vleut nén (nén oblidjî)

Ôtes sipotchåvès voyales[candjî | candjî l' côde wiki]

  • U: munujhî, muzeure / mneujhî, mzure
  • O: voleur, poleur / vleur, pleur

Shûte di ptits mots[candjî | candjî l' côde wiki]

Dins les shûtes di ptits mots d' ene sillabe avou dins tchaeke ene sipotchåve voyale, li spotchaedje si pout fé di sacwants façons, mins todi tot respectant li rîle des troes cossounes.

Fåt des liårds po k(i) dj(i) t(i) r(i)fwaiye ti velo =>
  1. ...po k' dji t' rifwaiye ti velo (dandjreus l' pus corant)
  2. ...po ki dj' ti rfwaiye ti velo
  3. (londjin cåzaedje) ...po ki dji t' rifwaiye ti velo
  4. (payis waire "sipotcheus", come après Måmdey): ...po ki dji ti rfwaiye ti velo

divins les accints do walon[candjî | candjî l' côde wiki]

Li spotchaedje si fwait a pô près del minme façon sol Walon do Mitan, li walon do Levant eyet l' Basse Årdene.

Li walon do Coûtchant pout spotchî eto ene voyale mågré ene dobe cossoune ki shût. Dj' ô bén ki l' rîle des troes cossounes n' î est nén si straegne.

Dins l' payis d' Måmdey, li spotchaedje n' est nén si corant, çou k' amoenne des shûte di ptits mots avou des spotchåvès voyales.