Sujet sur Uzeu copene:Èl-Gueuye-Noere

Lucyin (copinercontribouwaedjes)

Dji profite d' on rapontiaedje des årtikes El tchant d' no cok (emission) eyet Radio Quartz po vs diner kékès idêyes:

  • li prezintoe "no" (tchant d' no cok) est accepté e rfondou (Wikt:no#Etimolodjeye_2) a costé d' "nosse".
  • nén rovyî di todi mete on prono "Wikt:c'" rahoucant l' sudjet al tiesse des årtikes: "Radio Quartz, c' est...". "*Radio Quartz est ene radio" ni s' dirè måy e walon corant, cwand on dene l' esplikêye do mot k' on vént d' dire.
  • Por mi, Wikt:yet a on pus stroet uzaedje ki Wikt:eyet. Dji n' l' eployreu nén après ene cossoune (ût *yet dijh eure). I m' shonne ki ça soune må.
  • Uzaedje di "e" <> "a": foirt målåjhey. Mins, si c' est ene direction, on mouvmint, on mete purade "a": dji va a Lidje, dji va a scole. Si c' est ène ecloyaedje, c' est puvite "e" (li walon e scole). Dji vén d' rapontyî li pådje Wikt:e sol Wiccionaire. Mi-minme, dj' a yeu do må d' sawè l' diferince (e m' "vî walon", c' est todi "a" u l' rifrancijhaedje "an").
Èl-Gueuye-Noere (copinercontribouwaedjes)

Bonswer Lucyin,

  • Po les pronos "no" eyet "nosse", dj' el saveu ddja. Cwand dji rwaite l' istorike di l' årtike, dji voe k' c' est vozôtes ki l' aveut scrît avou "nosse". :-) Si dji n' di pont d' biestreyes, c' est l' minme avou les atôtchants pluriyals
  • Pol deujhinme, vos m' el avoz ddja dit eto. Totfeye, cwand dj' aveu scrît l' årtike la, dji n' el saveu nén co. Cwand vs voeyoz des flotches ki dj' aveu fwait gn a (bén) lonmint, i s' pout ki dji n' elz a nén ddja coridjî après. Dji prind todi asteme, asteure, dins mes scrijhaedjes. I s' pout, tenawete, ki dj' el scrit al mode francesse, mins dins ç' cas la, c' est seulmint paski dji m' a (azår) nén coridjî. Dj' a sovint bråmint d' må a vir mes prôpès fåtes.
  • Po "yet", dj' a bén rloukî sol Wiccionaire. Dji voe ki Michel Robert eyet Michèle Herlin l' avént uzé après ene cossoune. Ploz m' espliker so li stroet uzaedje ? Ça dji n' el a nén co veyou dzeu. Vloz dire ki n' est nén uzé timpesse å Coûtchant ?
  • Dank traze côps po l' dierin. Dj' a todi flotchreçmint creyou k' c' esteut do Feller.

Si vs voeyoz co des ôtès sôres di flotches, dijhoz-m' el. :-)

Répondre à « Co kékès idêyes »