Uzeu copene:Lionel June

Bénvnowe sol Wikipedia walon, vos Lionel June. Wilicom ! dijheut on divinltins.

Si vs avoz dandjî d’ ene miete d’ aidance, vinoz dmander vaici, vos trouvroz bén ene sakî po vs aspaler. Avoz ddja tapé èn ouy dins l’ documintaedje ?
Gråces et merci, dedja, po vos radjoutaedjes.

Proficiate[candjî l’ côde wiki]

Bonswer Lionel,
Proficiate po vos årtikes e walon eyet po vo côp d' aspale. Ça nos fwait plaijhî a tertos. :-)
Amiståvmint,
--Èl-Gueuye-Noere (Ene sacwè ? => Dijhoz-m' el !) 25 di fevrî 2022 a 19:34 (UTC)

Merci bråmint des côps !

Dji scrî sol Wikipedia e francès dispoy des ans et des razans, mins dj' a lonmint tårdjî a-z ataker li modêye walone. A m' shonnance, c' esteut percé målåjhey d' sicrire e rfondou, mins, po fini, dji saetche mi plan. Et c' est foirt plaijhant d' parvini a scrire minme on tot ptit årtike ! :-) --Lionel June (copene) 25 di fevrî 2022 a 23:34 (UTC)

Oufti ! Proficiate, di m' pårt ossu. Dji vén di loukî les Cayés walons 1/2022, et dji m' dijha: la des racsegnes assez po fé èn årtike so René Dardenne; tot paf, èn sakî, cwand dj' a veyou k' il esteut ddja la, et bén dadrame !!!

Ribénvnowe !!!

--Lucyin (copene) 1î d' may 2022 a 16:27 (UTC)

Merci bråmint des côps ! Dji fwai do mia k' dji pou… --Lionel June (copene) 1î d' may 2022 a 19:26 (UTC)

Kékès tchitchêyes so les tites des noveas årtikes[candjî l’ côde wiki]

Co on côp merci po les beas årtikes ki vos adjinçnez. Kékès tchitchêyes:

Pol categoreye «Lives da Émile Gilliard», dj' el rilomreu pus voltî: [[Categoreye:Lives sicrîts pa Émile Gilliard]]. Les "lives da Émile Gilliard", c' est tos les lives k' il aveut dins s' bibioteke, et ki ses eritîs ont, asteure.

Po les pådjes des lives, on a ptchî di mete ene sacwè inte åtchetes padrî l' tite come Paskeyes d' avår ci (noveles); ça mostere ki ci n' est nén on sudjet eciclopedike.

Pol tite, disk' asteure, on l' riscrijheut e rfondou. Dispu k' nosse binamé "Reptilien" nos a fwait des sûtis modeles, on rmeteut l' tite e sistinme Feller u e sistinme di dvant Feller padzo, e clintcheyès letes, avou l' modele {{Dizo-tite|}}. Si vos inmez mî wårder les cis ki vos fjhoz e Feller, vos l' ploz co fé come mostré so Su_lès_spales_do_novia_djoû. Djusse, dji metreu padrî: (powezeyes) (ci côp cial, e rfondou).

Gn a ene coridjrece ortografike do rfondou ki sorlene tos les mots ki n' sont nén des rfondowes (nén co a 100 åcint, mins ça rote cwanlminme beazebén). On l' pout aberweter so l' betchteu Mozilla, mins dji n' sai pus kimint. Vos ploz dmander cwè et kesse a Uzeu:Pablo. Oudonbén so Berdelaedje https://berdelaedje.walon.org/viewforum.php?f=7

Ki ça vos våye bén.

Lucyin (copene) 8 di may 2023 a 08:25 (UTC)

Bondjoû Lucyin,

Merci po ls infôrmåcions. Dj' a fwait come vos avoz dit.--Lionel June (copene) 11 di may 2023 a 22:34 (UTC)

Dunker + Gauditiaubois = anårtchisse ?[candjî l’ côde wiki]

Bonswer Lionel,
Dj' a veyou vos dierins candjmints. Estoz seur k' André Gauditiaubois eyet William Dunker dnént on sinse « anårtchisse » al tchanson rwaiteye avou ci boket la ? :

Li tchanson Black country blues da Wiyam Dunker et André Gauditiaubois (« I fåreut fé l' revolucion et trawer l' panse des crås patrons, des plins di liårds, des crås minisses, sins awè peu del mwaijhe police »)

Voeyoz, c' est eto l' djinre di tuzaedjes k' on sait ôre amon les « comunisses revolucionaires ».
Ki ça vos våye bén,
Èl-Gueuye-Noere (Ene sacwè ? => Dijhoz-m' el !) 24 di djulete 2023 a 18:12 (UTC)

Bondjoû,

Dji n' cåzéve nén d' Dunker et d' Gauditiaubois, djusse del tchanson. Dji n' vôreut nén leû dner si radmint ene etikete…

Awè, kécfeye ki ns estans pus près d' ene idêye comunisse revolucionaire. Dji m' a dit k' esse disconte li police, c' esteut ene pinsêye anti otoritaire, adon anårtchisse, mins dji n' a pont d' sourdant. Vos ploz disfacer, dabôrd.--Lionel June (copene) 24 di djulete 2023 a 18:23 (UTC)

Spoter[candjî l’ côde wiki]

Bondjoû Djulén,
Bén veyou avou spoter, gråces traze côps. Veyanmint k' èn årtike egzisteut ddja ladsu, dj' a inmé ostant di mete èn erdjiblaedje (viè Såvadje no), puvite ki d' el disfacer.
Ki ça vos våye bén,
Èl-Gueuye-Noere (Ene sacwè ? => Dijhoz-m' el !) 2 d' octôbe 2023 a 15:16 (UTC)

Årtike do moes[candjî l’ côde wiki]

Bondjoû Lionel,
L' årtike ki vs av askepyî lanawaire est l' årtike do moes di fevrî 2024. Proficiate !
Ki ça vos våye bén,
Èl-Gueuye-Noere (Ene sacwè ? => Dijhoz-m' el !) 31 di djanvî 2024 a 23:02 (UTC)

Merci bråmint des côps !--Lionel June (copene) 1î d' fevrî 2024 a 17:05 (UTC)