Cénkinme troke di viebes e walon

Les viebes del cénkinme troke, c' est des viebes ki n' ont nén tertos l' minme coron, mins ci n' est måy ni -er (come li prumire troke), ni -î (come li deujhinme troke), ni -yî (come li troejhinme troke).

Sacwants viebes del 5inme troke ont ene cawete -i a l' infinitif, come les cis del cwatrinme troke, mins i n' ont nou bodje avou -ixh-.

Ene saye d' assonraedje des viebes del cénkinme troke.

Avou -e å coron d' l' infinitif

Avou -de å coron d' l' infinitif.
- sins dobe cossoune ki rispite : ratinde.
- Avou on R ki rispite divant l' D sol bodje A : piede.
Avou -te ou -xhe å coron d' l' infinitif.
- mete.
- kinoxhe (eto : rexhe, paxhe)
Avou -re å coron d' l' infinitif.
- avou deus bodjes :
  - sins candjmint del voyale do bodje B divant l' cawete di codjowaedje do futeur : plaire, ôre, boere…
  - avou disfaflotaedje del voyale do bodje B divant l' cawete di codjowaedje do futeur : cure
- avou troes bodjes : braire
- avou dobès cognes å singulî do prezint di l' indicatif et do suddjonctif : dire, rire, scrire, ashir
- lére (kécfeye erîlåve avou "cure")

Avou -i å coron d' l' infinitif

Avou on bodje di codjowaedje.
- Sins cawete do singulî di l' indicatif prezintrece : sinti.
- Avou -e come cawete do singulî di l' indicatif prezintrece : dimani.
- Avou -e come cawete do singulî di l' indicatif prezintrece, et on R ki tchait : siervi.
Avou deus bodjes di codjowaedje : cori.
Avou troes bodjes di codjowaedje : vini.

Avou -eur å coron d' l' infinitif

voleur
aveur

Avou totès sôres å coron d' l' infinitif