Wiyåme 1î d' Orandje

Èn årtike di Wikipedia.
Wiyåme prumî

Wiyåme 1î d' Orandje (sipoté l' Orandje), c' estrut on rwè d' Holande, k' aveut skepyî li 24 d' awousse 1772 et k' a morou li 12 di decimbe 1843.

Il esteutli rwè do Rweyåme Uni des Bas Payis, k' i rçuva al Påye di Wîne (1816).

Rapoirts avou l' Beldjike[candjî | candjî l’ côde wiki]

Il î vleut diswalper li comiece eyet les syinces. Il ahiva tros univiersités d' estat: l' Univiersité d' Lidje, li cene di Lovén (ki dvénrè l' UCL, catolike) et l' cene di Gant (li dmorrè l' Univiersité d' Gand), todi d' estat.

Mins si politike linwistike ni plaijha nén ås Walons. Adon, i s' revintît, avou les Flaminds ki veyént evi li moennance holandesse protestante. Ci fourit l' revintreye di 1830.

Fén araedjî k' on åye lomé Yopôl 1î come rwè, i ratake li Beldjike e 1831 (Campagne des dijh djoûs). I wangne totes les batreyes, mins rescoule di sogne di l' avanceye d' ene årmêye francesse vinowe å scours des Bedjes.

Pu siner l' Påye ås vint-cwate hagnons (1839). Loukîz a: Ahivaedje des frontires difoûtrinnes del Beldjike.