Henry Matterne
Henry Matterne (riscrît Henri Matterne so sacwants waibes), c' est on scrijheu e walon sovint eplaidî dins les Cayés walons.
Il a skepyî li 13 di may 1929. Il a morou li 31 di decimbe 2015.
I fourit relî dins l' antolodjeye "Scrire", et dins l' antolodjeye d' inte Bok et Sanson.
Di s' mestî, il esteut mwaisse di scole. Il a stî eto mayeur di Sårt-Biernåd eyet l' vice-prezidint des Relîs Namurwès.[1]
Ouves e walon
[candjî | candjî l’ côde wiki]
I scrît del prôze e walon, des ptitès prôzes, a des rîlêyes a môde di fouyton, disk' a des romans.
Ses rîlêyes di paskêyes parexhît pa bokets ou come livret a pårt dins les «Cayés walons».
- Les cis do rixhot (1985)
- Al bricole al verdjale (1990)
- Memere d' on poirteu d' depeches (1992)
- Sovnances d' èn ovrî do tchmin d' fier (1994)
- Zande et Twenete (2009), k' a-st metowe so CD odio.
Il eplaida deus roman lu-minme :
- «Al fosse al diele», ki raconte li vicåreye d' on djonne dieleu (2006).
- «Louwis d' emon l' Pitchou», vuda e 2012.
Li minme anêye, li SLLW edita «Djoyes et rascråwes», ene ramexhnêye di relîs bokets d' ses scrijhaedjes.
Hårdêyes difoûtrinnes
[candjî | candjî l’ côde wiki]
Li Wiccionaire si rsieve di sacwantès fråzes da Henry Matterne po-z enimådjî des mots k' i gn a.- Boket di "Louwis d' emon l' Pitchou" (sol waibe "Li walon d' emon nozôtes")
- Boket d' Zande et Twenete (avou eredjistrumint schoûtåve)
Sourdants
[candjî | candjî l’ côde wiki]- ↑ Joseph Dewez, « In Memoriam : HENRY MATTERNE, vice-président des Rèlîs Namurwès (1929-2015) », dins Les Cahiers Wallons, 79inme anêye, lº 1, djanvî-fevrî 2016 (lére so Revues.be).