Pierre Otjacques

Èn årtike di Wikipedia.
Potchî a: naiviaedje, cweri
(e 2000)

Pierre Otjacques (e walon, télcôp scrît Pire Otdjåke) a skepyî e 1962. I provént d' Glaireuse.

C' est on scrijheu e walon et on bouteu pol walon.

Il a stî relî dins l' Antolodjeye Scrijheus d' Årdene.

E 2007, i fourit relî po moussî å CLRE.

avou Wiyam Dunker a Bive e 2006
Do costé d' Bive, tot seu

I djåzéve todi walon avou les waloneus, et lzî scrire eto e walon.

Di s' mestî, il esteut årtisse (po les biesses) å Tchestea. Di s' pasmint d' tins, il esteut eto on fel åbussoneu.

Come sicrijheu[candjî]

Papî so Pire Otdjåke da Eugène Poncé dins l' pitite gazete "Passe-partout" e 2006
Lete da Pire Otdjåke e walon

Il a fwait ene bele rîlêye di biyets d' oumeur dins des ptitès gazetes, so les moes et les såjhons, sovint tot-z alant rcweri des vîs spots e walon.

Il a eto scrît sacwants arimeas et del prôze nén racontrece (ecolodjeye,pôrts, bén-magnî).

Ses papîs passént dins Singulî, Coutcouloudjoû eyet Li Rantoele.

Dins li rvowe d' istwere rdjonåle "Aux sources de la Lesse", i fjha des rcweraedjes so les fåves do vî vî tins do payis del Hôte Lesse.

Come eplaideu e walon[candjî]

I fourit l' askepieu, avou Louwis Baidjot del gazete e walon "Coutcouloudjoû".

Il fourit cwårlî del Rantoele dispu li cminçmint, et l' eplaideu responsåve del "Rantoele-gazete".

Il esteut dins l' comitî po relire les scrijheus ritnous dins "Scrijheus d' Årdene".

A pårti di 2005, c' est eto lu k' adjinçna li rvowe "Singulîs".

Come bouteu pol walon[candjî]

I fourit onk des stamons del "Soce des Rcåzeus d' walon", enondêye e 1994 pa Lucyin Mahin.

I fourit prezidint del federåcion do Lussimbork di l' UCW a pårti di 2001.

Il esteut sovint dins les djuris, do Libråmonissîme, do Singlé d' Bwès, di Mamjhele Lingaedje et des bates di recitaedjes d' efants del Province do Lussimbork. I scrijha so ces concours la dins l' live Ké walon po dmwin ?.

Il adjinçna, e 2007, ene activité avou les efants po les djournêyes Araedje di lére

Come ricwereu sol walon[candjî]

Il a fwait des rcweraedjes so les nos e walon del mizrete.

Il a eto eplaidî des dnêyes sol médiaedje avou l' yebe di troye.

Il a eto fwait l' djivêye des nos d' plaeces di Glaireuse.

I cacha ossu so tot çou k' a-st a vey avou l' ahivaedje del tchene.