Åbe foû-ordinaire
Èn årtike di Wikipedia.
Èn åbe foû-ordinaire, c' est èn åbe ki n' rishonne nén ås ôtes, soeye-t i k' il a crexhou tot crawieuzmint (få d' Verzi), soeye-t i k' il est nouzome (secoya), ubén k' il est vî vî et k' i vike co.
Gn a eto des åbes k' ont stî eployî po des pratikes a vey avou les doûcès croeyances come les åbes ås clås.
Dinltins, sacwants åbes foû-ordinaires estént metous so les mapes d' Estat-Madjor.
Gn a eto des åbes ki sont cnoxhous pask' i sont des rperes djeyografikes u toponimikes.
Bråmint des åbes foû-ordinaires del Walonreye ont stî saetchîs e portrait po Wikipedia pa Jean-Pol Grandmont.
Ådvins
Pus grands et pus gros åbes[candjî | candjî l' côde wiki]
Li pus gros åbe måy muzuré sereut on secoya des montinnes di Californeye; il freut 1486 m³.
Les pus hôts åbes sont co des secoyas, todi el Californeye mins sol boird del mer, di l' indje lomêye "Sequoia sempervirens"; les pus grands fwaiynut 115,50 metes.
El Walonreye, ene des pus grossès hesses, c' est l' Beneye Hesse di Bounru k' a 8 m di toû.
Åbes foû-ordinaires del Walonreye[candjî | candjî l' côde wiki]
co vicants[candjî | candjî l' côde wiki]
- åbe di fier:
- l' åbe di fier a Marimont.
- åbe ås tulipes:
- li pus gros åbe ås tulipes del Walonreye est a vey ås Brouwires.
- baronîs:
- beyôles:
- li pus grosse pindante beyôle del Walonreye est a vey a Hamwer.
- blanke spine
- li grosse blanke spine del Walonreye Djerpene
- blancs meurîs
- li pus gros blanc mêurî del Walonreye a Tournai
- castagnîs:
- castagnîs : li bele droete rîlêye a Mårcin.
- catalpas:
- li pus gros catalpa del Walonreye a Inne-Sint-Pire.
- coignoûlîs:
- li pus gros coignoulî måye del Walonreye a Leugnî.
- doyåves:
- li doyåve di Coû-Sint-Stiene.
- frinnes:
- hesses:
- li "Beneye Hesse" di Bounru-dlé-Houfalijhe,
- li bele dréve di hesses a Marimont,
- li bele dreve di rodjès hesses a Outin,
- li pus grosse pindante hesse del Walonreye a Gronmeu
- li pus grosse rodje hesse del Walonreye a Beleul
- hoûsseas
- li pus gros hoûssea del Walonreye a Wareme
- noejhî d' Bizance:
- li pus gros noejhî d' Byzance del Walonreye a Mont.
- noere broke
- li pus grosse noere broke del Walonreye a Vierton
- noer meurî
- li pus gros noer meurî del Walonreye a Dinant
- ôrmeas:
- li pus gros ôrmea a tignasse del Walonreye a Mirwå.
- Pelés ciprès:
- li pus gros pelé cyprès del Walonreye a Arvin.
- pemî d' amour:
- li pus gros pemî d' amour del Walonreye a Mariemont.
- plaenes:
- plopes:
- li pus grosse plope do Canada di Walonreye a crexhou a Grûpont
- sås:
- li grosse pindante så di Doû
- li pus grosse blanke så del Walonreye a Miebe-li-Tchestea
- tchersîs
- le pus gros tchersî del Walonreye a Elmele
- secoyas:
- li pus gros adjeyant secoya do pays a Esneu.
- sofora do Djapon:
- li pus gros sofora do Djapon del Walonreye a Astire.
- tchinnes:
- l' åbe ås clås d' Avrè
- l' åbe ås clås d' Erciye
- li pus gros tchinne d' esté (Quercus robur) do Beneluss a Liernu : Il a a pô près 1000 ans, et fé 9 metes 85 di toû a 1,50 m. di tere.
- li vî tchinne d' èsté di Feradje
- les vîs tchinnes d' Inguî, inte di zels, li fameus "tchinne do Duk Prosper"
- li vî tchinne dirî l' eglijhe di Presgå
- tchårnales:
- tiyoûs :
- li gros tiyoû ås grandès foyes di Conneu k' a divnou li pus gros tiyou del Walonreye (dispoy ki l' tiyoû ås ptitès foyes d' Arkegnere a stî råyî pa l' timpesse do moes d'may 2007.
- les cis di Bouyon, di Brafe, di Dweyon, di Djerpene, d' Emtene-dilé-Hamwè, di Foy di Macon, di Sorene, di Wajî, di Wahå et les fameus "Tiyoûs do Vî Payis" a Biou et "Tchabote di Sint-Nicolai a Furnå.
- li ci d' Wévurcé, planté al fén del guere di 30 ans.
crevés u abatous[candjî | candjî l' côde wiki]
- L' åbe Napoleyon inte Transene et Maissin, al Få Mayå : c' esteut ene hesse k' aveut crexhou so ene pire. Elle esteut markêye so les mapes d' Estat-Madjor almandes al prumire guere daegnrece.
- L' åbe Coûte-Djoye inte Aleur, Anse eyet Rocoû : rimimbere li batreye di Rocoû do 11 d' octôbe 1746, la k' les Aloyîs alént wangnî, et k' c' est les Francès do Marixhå d' Saxe k' ont stî les pus foirts. Les ôtes avént yeu ene coûte djoye. C' esteut dandjreus on tiyoû.
- Li tiyoû ås ptitès foyes d' Arkegnere k' esteut li pus gros tiyoû del Walonreye mins k' a stî ståré pa l' timpesse do 11 di may 2007.
- Li Crawe Hesse (crawieuse hesse) di Måbompré k' esteut li pus grosse hesse del Walonreye.
- Li vî stok di tiyoû del tchapele Sint-Rok sol Bati a Fumwè. Les båsheles ki s' vlént maryî î plantént on clå, eyet l' båjhî. Il esteut griblé d' clås. Cwand li stok fourit pouri, les dmandeuses di galant rabressît on clå d' l' ouxh.
Åbes toponimikes[candjî | candjî l' côde wiki]
Kécfeye, l' åbe a l' no del sakî ki l' a planté.
- Li "sapén Marchal" : a mitan voye inte Transene et Viyance, dins l' bwès d' Tchanmont. Dandjreus onk des prumîs sapéns plant avr la, pa on gåre di bwès lomé "Marchal".
- El "sapén Chléder" a Fepén : dandjreus li minme sipoûle.
Des ôtes côps, c' est l' åbe ki dene si no a on tchamp.
- Li "tchamp al hesse" a Yåle.
Åbes foû-ordinaires foû del Walonreye[candjî | candjî l' côde wiki]
- Li foû gros sawri a Anderlek.
- L' åbe di Ténéré.
- Li vî olivî di dlé l' Plaece Pietri a Rabat (Marok), esseré å mitan del veye. Il est sacwants siekes vî.
- L' « Åbe des Rapoûlaedjes », c' est on sapén, vî come Matîssalé, k' est al copete del Montinne Sint-Pire (Ay Petri), el Crimêye. C' est å coron do teleferike ki monte sol montinne. Tchaeke viziteu î capind on sovni: ene tchinne d' årdjint, on breslet avou s' ptit no, on biesse colé d' plastike. [1]
