Badjimont

Badjimont (fr: Bagimont), c' est èn ancyin ptit ban del Walonreye, e payis tchampnwès, rebané avou Vresse et k’ a don passé del province do Lussimbork al province di Nameur.

Mwaissès dnêyes

• Dimorants: 136 (1817); 160 (1821); 193 (1893) (Badjimonès, Badjimonesse; la-minme : Badjimounê, Badjimounêze)
• Limero del posse: 5550
• Limero diyalectolodjike: Ne 65
• Arondixhmint: Li Tchestea
• Eplaeçmint sol Daegn: 49°50'N—4°53'E

• Sitindowe: 378 ha., ki 155 c' est des bwès d’ comene.
• Hôteur: 360 m. a l’ eglijhe
• Canton: Djedene
• Arondixhmint: Dinant
• Province: Nameur
• Payis: Beldjike.
• Vîs scrijhas: Bagimont
• Eglijhe: dipindeut del pårotche di Neufmanil (F) Rivnou å diyoceze di Nameur e 1823.
• Patron: Sint Djhan l' Batisse
• Dicåce: dimegne après l' 24 di djun
• Lingaedje do payis : tchampnwès

Etimolodjeye

Loukîz a : «Badjimont»

Nos d' plaeces

• Ecarts: Ås essårts.
• li Mintchenoe (lu / ou Mintchènwa).

Aiwes

On dit ki, po les gotires di l’ eglijhe, ene moenne l’ aiwe so Smwès, l’ ôte so Mouze.

Istwere

Å 13inme sieke Badjimont est on fî d' Orcîmont pol viyaedje et di Bôhan pol bwès d’ Hamintchnoe. Passe par après å Signeur Bois de Fiennes djusk’ al revolucion.

• An IV, 25 fructidor, comene di Suni, canton d' Noûmayni (Neufmanil, France), dipårtumint des Årdenes.
• 1815, 6 di djanvî, passe do canton d' Méziéres (F) å canton d' Bouyon (B).
• 1823, comene di Suni.
• 1859, 24 di may, divént comene.
• 1965, ripasse a Suni.
• 1977, rebané avou Vresse, e passant del province do Lussimbork eviè l' province di Nameur.

Tuzance walone

Studiaedjes da Haust

Badjimont est li seu pont sol payis tchampnwès d' Beldjike; i n' a nén stî studyî påzès inketes diyalectolodjikes da Jean Haust.

Li pwaire di Badjimont

Dijhêye foirt kinoxhowe des boeveus d’ gote, ki n’ tchictént waire a boere 3 gotes putoit k’ deus. Did la, li lomaedje pwaire di Badjimont, ki c' esteut, å cmince, on manaedje d' ene feme et deus omes.