Betchete ca-

Èn årtike di Wikipedia.
Sauter à la navigation Sauter à la recherche

Li betchete ca- mostere on rafoircixhaedje do viebe, mins ki l' accion n' est nén foirt boune.

Sacwants egzimpes enimådjîs d' fråzes[candjî | candjî l' côde wiki]

capougnî: pougnî la k' i n' fåreut nén. i våt meyeu s' betchî ki s' capougnî ([[Julos Beaucarne)
Parintêye : tchaspougnî (tchauspougnî) ; apougnî ; rapougnî
cafougnî : fougnî et rployî dins tos les sinses. …ptit dålotin, Djokez vos, et tirez vos mwins : Voz cafougnîz m' rôbe di dintele ; Dins les rouweles (François Loriaux)
Parintêye : racafougnî : vraiymint cafougnî
caboure: boure lontins, et fé do mwais aboere. Leu cafè esteut rtchåfé et aveut cabolou ; c' esteut del lapete.
Parintêye : riboure, parboure (parbolou), racaboure
capinde : pinde di tos les costés. "pun d' capindou ; sôre di peme
Parintêye : ripinde, dispinde, ridispinde
Ôtes egzimpes : cadjolé, camoussåd, cabouyî, cabouxhî, caberdouxhe

Rapoirt avou les betchetes ki- et co-[candjî | candjî l' côde wiki]

Cwand l' betchete ca- a djusse li minme sinse ki l' betchete ki-, on n' fwait nén deus mots diferins :

kischeure = kiheûre + cucheûre + cocheûre + cacheûre. Kischoyoz li bouwêye divant del mete a souwer.

Parey avou l' betchete co- (cwand l' betchete ki- manke)

copixhe = copiche + capiche

Parintêye[candjî | candjî l' côde wiki]

Etimolodjeye[candjî | candjî l' côde wiki]

On a tuzé a 36 etimolodjeyes, dispu l' 19inme sieke (tîxhon, norwès, basse).

Al fén, Jules Feller pinse ki c' est djusse ene ôte cogne del betchete ki-/co-, adon vinant del betchete latene co-. Mins gn a yeu, metans, ene assaetchance del betchete ra-, avou l' valeur come dins « des ans et des razans ».[1]

Li betchete ca- e francès[candjî | candjî l' côde wiki]

Li minme betchete egzistêye e francès, mins bråmint pus rålmint : cabosser, caramboler, la fée Carabosse, califourchon, calembour, calembredaine, camouflet, galefretier.[2]

  1. Lucyin Mahin, Scoles di Bive, 22 d' måss 2016.
  2. Jules Feller, Le prétendu préfixe péjoratif ca- en français et en wallon. Notes de philologie wallonne, p. 222-237.