Aller au contenu

Dji n' sé sofler

Èn årtike di Wikipedia.

Dji n' sai shofler (powezeye)

Dji n' sé sofler (Dji n' sai shofler), c' est on live di libe powezeye sicrît pa Joseph Dewez, tot tuzant å rwaitî les scultreyes da Jean Willame ahavtêye å meur di l' eglijhe di Wiyete. I rprezintnut li passion d' Djezu-Cri.

Li live a vudî l' an 2024 divins l' coleccion Micromania.

Gn a on ratournaedje e francès vizon vizu.

ISBN 978-2-931107-11-9

  • (fr) Adrovaedje pa Jean-Luc Fauconnier (p. 3).
  • (fr) Divanzouve esplicant kimint k' el sicrijheu a tuzer a scrire çoula, eyet l' tite k' il a tchoezi (p. 5).
  • (fr) Po rinde bon dvwer a Jean Willame, avou si biyografeye (p. 6-9).
  • Atacmint : i shonne å scrijheu ki les pavés Wiyam årént dvou esse metous a tere et nén ahavtés å meur.
  • Shuvnut les 16 tecses so les 1 ôtes sitåcions, come les a schavé sol pire Jean Wiyame (pp. 14-89). Eneviè les 14 eståcions d' on tchmin d' croes classike, li sculteu end a radjouté ene divant (li dierin raploû) ey ene après (Mareye ratind).
  • (fr) Rimerciymints (p. 90).

Boket do live (l' atacmint)

[candjî | candjî l’ côde wiki]
al FLW 2024

C' est al tere k' els åreut falou mete
les noers pavés do tchmin del croes;
Seur nén les agritchter å meur !
Al tere, paski, veyoz,
ene pavêye, c' est fwait po k' on rote dissu
et Djezus, lu, i n' a nén dandjî di rwaitants,

i ratind des djins por zels roter avou lu,
so les noers pavés
et treboukî
et s' î sketer s' vizaedje
et poirter s' croes.
Roter so les noers pavés
come on rote so des vizaedjes
et ls etinde si buker
et boerler
et chuchloter
çki Djezus a gravé ddins :
«Bon Diè, pocwè m' avoz leyî tchaire ?
pocwè ?
pocwè ?»

I n' a pont yeu d' response
…et portant, li pavêye riglatit co.

Raloyaedjes a l' eure d' enute

[candjî | candjî l’ côde wiki]

Djôzef Dewé n' est nén on vî magneu d' Bon Diu, ki vike dins des paskêyes did la 2000 ans. Gn a mwints passaedjes di s' live k' el raloye å tins prezint.

Li tite, po cmincî, c' est l' ratournaedje e walon di l' inglès «I can't breath » d' on noer amerikin k' a stî stofé pa on policî ki l' aveut ramassé po ene tchitchêye.[1]

Pådje 23 : les rwaitant criynut sol passaedje di Djezus-Cri poirtant s' croes.


I boerlêynut
i hawnut
come les tchéns
d' Treblinca
i hoûlnut
come les leus
d' Alabama
[2]
ou do Rwanda[3]

Pådje 59 : gn a des cmeres ki s' vegnnut dilaminter sol sôr da Djezus, ki les atôtche insi:


Ni breyoz nén sor mi, don,
breyoz purade so vos efants
paski l' måleur ki m' sipråtche tot,
i vos språtchrè, vozôtes eto
dins vosse veye di Djeruzalem
[4]
ou a Gaza[5], a Kigali[3]
oudonbén a Nagazaki
[6]
Pôreut vali k' on n' viereut nén ça

Sourdants et pî-notes

[candjî | candjî l’ côde wiki]
  1. Afwaire George Floyd
  2. L' Alabama, c' est èn estat d' Amerike avou toplin d' raecisses blanc anti-noers
  3. 3,0 et 3,1 rahoucaedje do peupe-sipata do Rwanda (1994)
  4. veyaedje d' avance do distrujhaedje del veye e do timpe pås Romins e 63.
  5. macsådaedje des djins d' Gaza pa l' årmêye d' Israyel (2023-2024)
  6. bombårdumints atomikes d' Hirochima et Nagazaki (1944)