Ferdinand Davaux

Ferdinand Davaux

portrait da Ferdinand Davaux diviè 1910

Skepiaedje	18 di måss 1878, Tchålerwè
Moirt	11 di decimbe 1918, Mårcinele
Nåcionålité	Bedje
Activités	tchanteu, årtisse di cåbaret, plonkî
Ôtes nos	Nènesse

WIKIDATA

Ferdinand Davaux (di s' no d' pene, Nennesse) a skepyî a Tchålerwè li 19 di måss 1878 ey a morou tot djonne a Mårcinele li 11 di decimbe 1918.

Il esteut Alwakî.

Riprins dins l' antolodjeye «270 sicrijheus e walon do Payis Noer».

Di s' mestî, il esteut plonkî-zénkeu, et prof di cisse coxhe la a l' Univiersité di l' Ovraedje di Tchålerwè.

Ouve e walon

I cminça a scrire e 1895, ey evoyî ses bokets å Tonea d' Tchålerwè. Pu fé totes sôres di belès tchansons e walon.

I ndè rashonne dedja ene schôtlêye e 1913, dizo l' tite «E travayant» (In travayant). Ele serè replaideye e 1937.

Shuvance

Bob Dechamps a sovint rtchanté ses tchansons, inte di zeles, Al såjhon des meumeures.

Gn a ene plake di rsovnance sol måjhon k' il a vnou å monde (metowe pa l' ALWAC li 29 di setimbe 1957.

Gn a èn adjeyant d' Tchålerwè k' a stî batijhî a s' no.

• 
  plake metowe so l' måjhon k' il a skepyî
• 
  adjeyant a s' no

Vicåreye

(fr) Pierre Arcq, Ferdinand Davaux, une muse brisée, El Bourdon l° 705, avri 2018.

Hårdêye difoûtrinne

• Vos trouvroz des racsegnes so les ouves da Ferdinand Davaux, u les ouves zeles-minmes, so Wikisourd e walon.