Singulîs (gazete)
Singulis, ki s' no e francès, c' est Singuliers, c' est ene rivuwe di belès letes del Province do Lussimbork.
Istwere
[candjî | candjî l’ côde wiki]Ele fourit metowe en alaedje e 1993 pa Michel Francard, Raymond Mouzon et Christian Robinet, po-z eplaidî des tecses di belès letes e walon ey e gåmès, di scrijheus del Province do Lussimbork. Gn aveut eto en coirnêye di noveles, e francès, des boutaedjes pol walon avårla.
Les askepieus rmetént inla eshonne deus rvowes k' egzistént ddja: Le Luxembourg dialectal (sicrijhaedjes e walon, eplaidî å Tchestea) eyet "Ké Noveles ?" (noveles e francès do Muzêye del Parole å Payis d' Bastogne).
Elle a stî lontins adjinçnêye pa Michel Francard. Dispoy 2005, li mwaisse redacteur, c' est Pierre Otjacques.
Diviè l' mitan des anêyes 2010, gn a eto èn eplaidaedje éndjolike (racourti di tchaeke limero) k' on pout rçure po rén dins si emilreye
Contnou del rivuwe
[candjî | candjî l’ côde wiki]A tchaeke limero, gn a on ratacaedje, sovint scrît e walon, pa troes mwaisses sicrijheus ki s' ricandjèt. Pu vnèt les tecses literaires, avou on motlî ådzo.
Adonpwis, gn a des noveles so les soces del province, mins ele sont scrîtes e francès.
Gn a yeu lontins ene coirnêye di prezintaedje des waloneus del province, sicrîte e francès pa Christian Robinet (1994-2004). Cisse-ciale a stî replaeceye pa ene rîlêye di tecses e walon so les vîs mestîs.
E francès eto, gn a yeu ene coine "Situdias". Ladvins, on-z a djåzé do linwe-ehåyaedje do walon tot dnant l' pene a des avanciveus (Lorint Hendschel, Lucyin Mahin) et a des wårdiveus (Van Crombrugge, Albert Maquet,
Dispu 2000, Joël Thiry î tént ene coirnêye so les viyès tchansons e walon.
Bråmint des scrijhaedjes (et des scrijheus) di Singulîs ont stî rprins dins l' antolodjeye Scrijheus d' Årdene.
Sacwants scrijheus d' Singulîs
[candjî | candjî l’ côde wiki]- Joseph Bily k' î scrît eto les ratacaedjes.
- Maurice Georges
- André Lamborelle
- Jean-Marie Lhote
- Willy Leroy k' î scrît eto pacô les ratacaedjes.
- Lucyin Mahin î a bråmint publiyî ses powinmes et eto des tecses di prôze.
- Pierre Otjacques k' î scrît, avou, a s' toû, les ratacaedjes.
- Emile Pècheur
- Georges Pècheur
- Arthur Schmitz
- Georges Thémelin (e gåmès)
Scrijheus k' î sont voltî rpubliyîs
[candjî | candjî l’ côde wiki]- Fernand Bonneau (gåmès)
- Marcel David
- Pire-Djôzef Dozîmont
- Gaston Lucy
- Fernande Weynand (gåmès)
Hårdêye difoûtrinne
[candjî | candjî l’ côde wiki]- (fr) Des ôtès racsegnes so li rvuwe (sol waibe so Muzêye do Pårlaedje e l' Årdene)
- sol waibe "revues.be"
so Wikisourd: Singuliers (pådje del gazete)
