Les Chtroumes (binde d' imådjes)

Èn årtike di Wikipedia.
Sauter à la navigation Sauter à la recherche
Harikalar Diyari Smurfs 06048 nevit.jpg
Li grand Chtroume padvant eyet l' sôrcî Gargayel padrî

Les Chtroumes[1] (e francès, les Schtroumpfs, e neyerlandès, de Smurfen), c' est ene binde d' imådjes askepieye pa Peyo e 1958.

C' est l' istwere di ptits bleus nûtons ki vikè-st e-n on grand bwès.

Sacwants persounaedjes[candjî | candjî l' côde wiki]

  • li Grand Chtroume, li tchîf do viyaedje, li seu k' a ene rodje bounete.
  • li Chtroumfete, seu persounaedje femrin.
  • Gargayel, li macrea et s' tchet, Azrayel, ki croxhe voltî les Chtroumes
  • li Chtroume båbimene u Chtroume Grosse Biesse.
  • li Chtroume Djouweu d' kéntes.
  • li Chtroume Buzikeu, u Chtroume Tchipoteu.

Eplaidaedjes[candjî | candjî l' côde wiki]

Les saze prumîs lives ont stî eplaidîs pa Peyo lu-minme. Après s' moirt, e 1992, c' est s' fi, Thierry Culliford k' acviernêye les noveas eplaidaedjes.

Les persounaedjes des Chtroumes avént ddja aparexhou dins sacwants alboms di Djihan et Pire-Louwis.

Les Chtroumes et l' tuzance walone[candjî | candjî l' côde wiki]

Li chtroumfete

Li vicaedje des Chtroumes corespond å ci des nûtons. Insi les femes echtroume sont bråmint pus råles (gn a k' ene echtroumfete po tot l' viyaedje di chtroumes). Come po les nûtons, gn a k' ene nûtonete po 10 nûtons.

Li viebe «chtroumfer» po replaecî on viebe k' on n' tome nén dsu, c' est tipicmint l' uzaedje walon do viebe chôzer.

Les caracteres di tchaeke echtroume ont surmint stî tuzés des caracteres des set nûtons do floriconte di Blanke Nive.

Ratournaedjes[candjî | candjî l' côde wiki]

dins toplin des lingaedjes[candjî | candjî l' côde wiki]

Ont calké les cossounes do francès: li slovinne (Štrumpfovi) eyet l' izlandès (apus ki l' dierin "f"): Strumparnir

Bråmint des lingaedjes ont rprins li cogne do neyerlandès (de Smurfen): inglès: the Smurfs; norvedjin: Smurfene, polonès: Smerfy, suwedwès: Smurfarna

Des ôtes ont edvinté on novea no ki va avou l' prononçaedje (motoit ene gote drole) dins l' metou lingaedje.

e walon[candjî | candjî l' côde wiki]

Li mot egzistêye dedja so l' esplicant motî do walon (2000-2004) dizo scrijha «chtroumfe». Dins l' Wiccionaire, on a co rdisplocté l' coron po divni Chtroume. Li «f» rispite dins l' parintêye: Chtroumfete

Kékès coûtès istweres ont stî ratournêyes e walon pa Lucyin Mahin et emantcheyes dins les bouyotes pa Fabian Beghin e 2018.

Hårdêye difoûtrinne[candjî | candjî l' côde wiki]

Ene plantche e walon

Pî-note[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou les Chtroumes .
  1. pa distroclaedje des troes cossounes å coron (Schtroumpfs) nén prononçåves e walon classike.