Li pantalon trawé (tchanson)

Èn årtike di Wikipedia.
Aller à la navigation Aller à la recherche

Li pantalon trawé, c' est ene tchanson e walon k' a stî scrîte pa Charles du Vivier de Streel, so l' air Te souviens-tu ? (cåzaedje : Paul Émile Debraux; muzike : Joseph-Denis Doche).

Mwaissès dnêyes[candjî | candjî l’ côde wiki]

Ciste air la, foirt rilomêye, serè rprinjhe po tote ene peclêye di tchansons. On va rtchaire dissu, metans, avou ene ôte tchanson walone foirt kinoxhowe, Lolote da Jacques Bertrand.

Li cåzaedje do "pantalon trawé", c' est set sitrofes d' èn arimea, dijh-pîté, foirt fel.

Li "pantalon trawé" est loukî pa Maurice Piron come li tchîf d' ouve des tchansons e walon divant l' arivêye di Nicolas Defrecheux.

Dins les anêyes 1990, il serè rprins dins totes les cassetes et stroetès plakes des pus belès viyès tchansons e lidjwès.

Tinmes del tchanson[candjî | candjî l’ côde wiki]

C' est l' paskeye d' on Lidjwès ki s' egadje avou Napoleyon. (Ci tinme la est ddja espweté dins l' operå "Li Lidjwès egadjî".)

Cwand i rarive di ses batreyes, nosse sôdård, k' aveut passé coporå, ertrouve li Walonreye dizo l' redjime holandès. Come i n' a nou mestî, i s' regadje avou l' årmêye des canifechtones, sapinse k' on n' dit. Mins la, i ravale di gråde et i n' si plait nén, ca on cmande en olandès.

Li tchanson s' atcheve avou l' Revolucion bedje, et nost ero si va bate a Brussele, dandjreus avou Tchårlî Djambe-di-Bwès. Mins n' est çu nén lu, Tchårlî Djambe-di-Bwès ?

Bernike ! Cwand il ont yeu batou les Olandès, les revinteus n' ont nén ddja stî ricpinsés. C' est les bordjoes k' ont prins totes les belès plaeces.

Tecse del tchanson[candjî | candjî l’ côde wiki]

Mwaisse sicrijhaedje[candjî | candjî l’ côde wiki]

Li mwaisse sicrijhaedje esteut scrît dins ene ôrtografeye di dvant l' sistinme Feller.

I serè replaidî dins l' Annuaire de la Société Liégeoise de Littérature Wallonne, 4inme anêye, 1868, p.51-53, dandjreus pa Bailleux.

Rashiaedje e sistinme Feller[candjî | candjî l’ côde wiki]

Li tecse serè rmetou e l' ôrtografeye Feller dins li Petite Anthologie liégeoise; choix de textes wallons (xviie s. - xxe s.), Lidje, 1950, p.20-22.

Rashiaedje e rfondou walon[candjî | candjî l’ côde wiki]

Li tecse a parexhou so les fis so l' Aberteke e 1999. Aprume e scrijhaedje årmonijhî (rifondant walon), pu e rfondou walon.

Il a stî rmetou so Wikisourd, ene miete rarindjî, e 2020.

Sacwants målåjheys mots[candjî | candjî l’ côde wiki]

Hådêyes difoûtrinnes[candjî | candjî l’ côde wiki]