Mouzaive (Yåle)

Èn årtike di Wikipedia.

Po des linwincieusès racsegnes sol mot "Mouzaive", alez s' vey sol Wiccionaire

vuwe do viyaedje et d' Simwès

Mouzaive, c' est èn ancyin ptit ban del Walonreye, a hintche di Smwès, dedja rebané avou Yåle li 18 di djun 1964, divant les grands rebanaedjes.

Mwaissès dnêyes[candjî | candjî l’ côde wiki]

  • Dicåce: li 2inme dimegne après l' 8 di setimbe
  • Djins: 80 (1840); 110 (1910); 64 (1930).

Rilidjon[candjî | candjî l’ côde wiki]

li tchapele
  • Tchapele (1856) N.D. del Nativité

Istwere[candjî | candjî l’ côde wiki]

Djusk' a 1778, Mouzaive, come Laforet et Suni, dipindeut do doyiné di Maizieres, årtchidiyoceze di Reims. Li viyaedje n' est nén cité e 1306, mins bén e 1346.

Divant l' revolucion francesse, li ban aveut stî pårti etur li Signeur d' Orcîmont et on signeur do viyaedje.

A vey[candjî | candjî l’ côde wiki]

Sol hôteur, a on bon kilomete viè Suni, i gn a l' eplaeçmint di l' ancyin viyaedje di Bietranfontinne (Bétranfontin.ne), distrût al pesse di 1635.

Diviè 1860, on veyeut co des pires del viye tchapele; c' est co asteure "li Virêye di l' Eglijhe". On dit ki po catchî les clotches del tchapele, on ls a plonkî dins ene fagne vijhene, si parfonde k' i n' a jamwais stî possibe di les rmonter.

Economeye[candjî | candjî l’ côde wiki]

  • Culteure do toubak so les dzeus, dins les prés dlé l' aiwe disk' a dins les anêyes 1960-1970 (asteure rimetous po les caravanes des tourisses).
  • Cårire di belès pires pol divant des måjhons.
  • Ancyin molén a l' aiwe sol d' Mitådje

Tuzance walone[candjî | candjî l’ côde wiki]

Vicansté do walon[candjî | candjî l’ côde wiki]

Asteure, bråmint des måjhons, c' est des deujhinme dimorances. Gn a pus waire di cåzaedje e walon.[1]

Eredjistrumint[candjî | candjî l’ côde wiki]

Ciddé, vos ploz schoûter èn eredjistrumint del fåve do vî vî tins «Li bijhe et l' solea» ratournêye pa ene djin k' a crexhou a Mouzaive avou l' accint d' Libin pol Djåzant atlasse éndjolike des lingaedjes di France et d' avår la.

Commons
Commons
I gn a so les cmons Wikipedia des imådjes ou fitchîs son a vey avou Mouzaive (Yåle) .
  1. Racsegne da Laurent Dabe (e moes d' decimbe 2023)