Plurizeye

sûnante plurizeye (a droete å dzo)

plurizeye fibrineuse dins l' colibacilôze des polets

setche plurizeye dins l' peumoneye inzotike des bedots (les atnances ås coisses sont mostrêyes pa des fritches)

Li plurizeye, c' est l' efouwaedje del pleve (fene pea di rascovraedje do peumon et del cadje coistrece).

Cåze

Vént sovint avou ene peumoneye må sogneye. Ou avou des foirt griyeusès bactereyes ou virûsses.

Li ptizeye pout dner ene sôre a pårt di plurizeye.

Sene

Li malåde sint ene foite doleur so s' costé.

A l' aschoûtaedje, on-z ôt on brut d' cafroya des deus foyous del pleve, ki shonne foirt près di l' aschoûtea.

Pronostik

Ene plurizeye est todi pus griyeuse k' ene peumoneye.

Foiravant k' ele pout dner e minme tins del pericorite (efouwaedje do saetch do cour).

Damadjes texhowreces

Les deus foyoûs del pleve tinèt eshonne (plurizeye setche, atnances). Oudon, inte les deus, gn a del matire (sûnante plurizeye) ou del fibrene (plurizeye fibrineuse).

Plurizeye ås biesses

ås rodjès biesses

• plurizeye nucrece dins l' tuberculôze
• pluripeumoneye des bovrins

ås bedots

Foirt corante dins l' peumoneye inzotike

al poytreye

Si rescontere avou l' areyosaetchite dins l' colibacilôze.