Vôtaedjes federås del Beldjike di 2024
Les vôtaedjes federås del Beldjike di 2024, c' est on vôtaedje k' a stî metou so pî, li 9 di djun 2024. C' esteut l' minme djoû k' les vôtaedjes redjonås eyet les vôtaedjes po l' Union Uropeyinne.
Estance[candjî | candjî l’ côde wiki]
Les vôtaedjes federås di 2024 sont les vôtaedjes ki shuvnut les cis di 2019. Come di djusse, les vôtaedjes federås del Beldjike sont atåvlêyes tos les cénk ans, normåldimint.
Tot rwaitant les ploncaedjes, on voet, e l' Flande, k' el Vlaams Belang va passer prumî dvant l' N-VA. Adon-après, on voet eto Vooruit al troejhinme plaece, shuvou på CD&V. Infén, l' Open VLD, li PBB eyet li Groen sont spepieuzmint pus bas. Do costé del redjon del mwaisse-veye, les ploncaedjes voeynut l' MR lon dvant tertot. Après zels, c' est l' PBB. Al troejhinme eyet cwatrinme plaece, c' est l' PS eyet l' Ecolo. Ene miete pus bas, on-z ertrouve el DeFI avou l' pårti « Les Egadjîs ». Å fond do clasmint, c' est cåzumint k' des pårtis neyerlandès-djåzants. E l' Waloneye, el tiesse est po l' PS, avou l' MR djusse padrî. Epwis, todi sorlon les ploncaedjes, c' est Les Egadjîs, poy el PBB. Al fén, on-z ertrouve l' Ecolo eyet DeFI.
Pårtis[candjî | candjî l’ côde wiki]
Erzultats[candjî | candjî l’ côde wiki]
Distriks[candjî | candjî l’ côde wiki]
Å livea des distriks, on-z endè conte 11 : 10 provinces eyet Brussele. Dins les cénk provinces al Bijhe do payis, l' N-VA est prumî tot djusse cåzumint tocosté. Åré å Limbork, ewou çki c' est li Vlaams Belang k' est dvant les ôtes mouvmints politikes. Les cis k' ont wangnî a Brussele, c' est l' famile des liberås, foiravant avou l' MR. El Waloneye, li Mouvmint Rifômrece est dvant tertot dins l' Roman Payis ey a Lidje. Les Egadjîs pasnut dvant å Lussimbork bedje ey a Nameur, pindant k' el Pårti Socialisse dimeure prumî å Hinnot.
Cantons[candjî | candjî l’ côde wiki]
Do costé des cantons, on pout vir k' e Flande, les deus grands wangnants sont l' N-VA eyet li Vlaams Belang. Mins nerén, a Gant, c' est li Groen k' a passé prumî. Avou ça k' dins l' canton di Horebeke, c' est l' Open VLD k' est dvant tertot. Dins l' redjon brusselwesse, al Bijhe, li victwere rivént åzès socialisses, tins k' elle ervént åzès liberås, al Nonne. Totfeye, li PBB a batou tertot dins l' canton d' Anderlek. Infén, e l' Waloneye est cparteye avou l' MR eyet li mouvmint Les Egadjîs. Li foû-rîle dimeure, aprume, do costé di sacwantès grandès comenes : Tornè, Mont, Tchålerwè eyet Lidje. Låvå, c' est todi l' Pårti Socialisse k' a wangnî.[2]
Govienmint[candjî | candjî l’ côde wiki]
Li govienmint De Croo I pout esse rifwait, avou 76 sidjes so 150. Djans, djusse çou ki fåt po mete so pî on govienmint. Adon, on deujhinme govienmint Vivaldi sreut moins foirt, veyanmint k' eshonne les pårtis ont pierdou des plaeces.[3] Li rwè Flipe a lomé Bart De Wever come infôrmateu, afîsse di fé on govienmint.[4]
Sacwants mouvmints ont ddja tchoezî d' aler dins l' opôzucion å pårlumint federås : li PS, li Groen eyet l' Open VLD.[5][6][7]
Hårdêyes divintrinnes[candjî | candjî l’ côde wiki]
.svg){kind=link}
Referinces eyet sourdants[candjî | candjî l’ côde wiki]
- ↑ https://elections.fgov.be/sites/2024.elections.fgov.be/files/inline-files/Sigles%20prot%C3%A9g%C3%A9s.pdf
- ↑ https://www.lesoir.be/594044/article/2024-06-10/elections-2024-decouvrez-les-resultats-definitifs-par-canton-infographie
- ↑ https://www.rtl.be/actu/belgique/politique/grand-barometre-le-gouvernement-actuel-pourrait-etre-reconduit-mais-il-aurait/2023-06-10/article/557677
- ↑ https://www.vrt.be/vrtnws/nl/2024/06/12/bart-de-wever-premier-informateur-vlaams-federaal/
- ↑ https://www.rtbf.be/article/elections-2024-le-ps-fait-le-choix-de-l-opposition-a-tous-les-niveaux-de-pouvoir-11387131
- ↑ https://www.gva.be/cnt/dmf20240612_92956010
- ↑ https://www.nieuwsblad.be/cnt/dmf20240611_96861369