François Loriaux

François Loriaux

portrait da François Loriaux

Skepiaedje	13 di fevrî 1886, Djumet
Moirt	15 d' avri 1942, Låken
Nåcionålité	Bedje
Activités	scrijheu

WIKIDATA

François Loriaux a skepyî li 13 di fevrî 1886 ey a morou li 15 d' avri 1942.

C' esteut on fjheu d' tchansons e walon et on tchanteu do payis d' Tchålerwè.

Rilomêye

Ses tchansons sont dmorêyes foirt conoxhowes, inte di zeles: "Il a cassé s' pupe" ; "Les djouweus d' cwåtes", «Pårlaedje congolès», «Dji so sôlêye», «No pôve gade est crevêye», "Li tchanson des verités" eyet Mardjo.

Françwès Loriaux eplaidive ses tchansons so des foyous, avou des dessinaedjes di fels årtisses di ç' tins la, come, Jean Kitt (Jean Lemaître). Li dessén n' aveut rén a vey avou l' tchanson (cial, c' est on djouweu d' bale).

On n' a nole idêye did cwand k' Françwès Loriaux a foirdjî ses tchansons.

On live «Tchantans Françwès» et ene plake lazer odio (tchantêye pa Pascal Heringer) ont rexhou e 2000.

Bob Dechamps tchantéve voltî des tchansons da Françwès Loriaux.

• 
  Coviete do foyou del « tchanson des verités » (Jean Kitt).
• 
  Li cene di « no pôve gade est crevêye ».
• 
  « El måjhon di m' grand-pere ».
• 
  « Mardjo », afitche fwaite pa Henri Schick.

Li walon da Françwès Loriaux

Si walon est foirt ricwerou, avou padecô tote ene peclêye di vîs mots come dins "Pårlaedje congolès".

Dins "Li tchanson des verités", a costés di lapalissådes:

Li crås mårdi n' toumrè måy li vénrdi.

gn a eto tote ene rîlêye di sinonimes:

On må stitchî serè sovint må fotou.
Ene findaxhe, c' est come si vos dirîz ene craeye

u minme des definixha d' esplicant motî:

Li ci k' a l' balzin, fåt todi k' i triyane.

Hårdêyes difoûtrinnes

• Pådje da Françwès Loriaux (so l' Aberteke)
• Li Wiccionaire si rsieve di sacwantès fråzes da François Loriaux po-z enimådjî des mots k' i gn a.
• Vos trouvroz des racsegnes so les ouves da François Loriaux, u les ouves zeles-minmes, so Wikisourd e walon.