Vierziye

Èn årtike di Wikipedia.

Vierziye (la-minme, Vièrzîe, F.: Willerzie), c' est èn ancyin ptit ban del Walonreye, rebané avou Djedene, el province di Nameur.

L' eglijhe et l' monumint
  • Limeros del posse :
    • asteure : 5575
    • davance : 6891
  • Limero diyalectolodjike : D 114
  • Arondixhmint : Dinant
  • Sipotaedje des djins : les Gnègnès (prumî viyaedje k' on dit "i gn è" estô d' "i gn a", tot vnant d' Nameur).
  • Eplacmint sol daegn 49°59'00 N - 4°50'59 E
  • Djins :
    • 1830: 516
    • 1910: 495
    • 1930: 470

Po des linwincieusès racsegnes sol mot "Vierziye", alez s' vey sol Wiccionaire

Rilidjon[candjî | candjî l’ côde wiki]

Eglijje di 1880, broûlêye pås Almands li 23 d'awousse 1914; novele eglijhe e 1928.

Eplaeçmint dins l' comene di Djedene, et el Beldjike
On coulot do viyaedje

No di des plaeces di Vierziye[candjî | candjî l’ côde wiki]

Hamteas[candjî | candjî l’ côde wiki]

  • Les Aiwes
  • Pont Colin
  • Marotele

Ôtès plaeces[candjî | candjî l’ côde wiki]

  • Li Franc Bwès (F. Frambois)
  • Li Foyete (La Foyète)

Djeyografeye[candjî | candjî l’ côde wiki]

Vierziye est metou sol voye ki va d' Djedene a Vireu, e France.

Istwere[candjî | candjî l’ côde wiki]

Li tere di Vierziye a stî franke tere disk' e 1680. Adon, li viyaedje a stî rmetou avou l' France. I serè rindou ås Bas Payis otrichyins e 1699. Adon, i serè raloyî dins l' dutcheye do Lussimbork.

Divant li XIII° s., li viaedje esteut, come Fagnole, dins l' djeron des Rumigny-Florenne, ene foite måjhon ki les aveut assudjetis al costume di Ranwé.

Sol ban d' Vierzie, gn aveut on ptit " Li Foyete" ki depindeut d' Pwelvatche. Gn a yeu ossu, nén lon rî do viyaedje, on moustî basti dins les tchamps al plaece k' on lome co asteure : Ås carmes.

E 1914, gn ava ene batreye etur les Almands et les Francès, avou bråmint des touwés. Tot l' viyaedje a stî metou a feu, a pårt 2 måjhons. Les Almands djhént ki les civils avént tiré sor zels, motif k' il ont invoké partot adon.

Tins del guere di 40, Vierzie estot sol voye del tchinne d' evåzion po voyî so Djibraltår les pilotes des avions inglès et amerikins k' avént stî abatous el Walonreye. Li curé d' Vierzie et l' mayeur di Riene, k' estént dins l' fiyire, ont stî hapés pås Almands et ont morou dins les camps d' concintråcion e 1944.

C' est dlé Vierzie k' e moes d' setimbe 1944, les prumîs paratchutisses bedjes do Coronel Blondeel ont stî paratchutés po-z aidî, avou l' Maki, les Amerikins k' alint liberer l' payis walon kékes djoûs pus tård.

Economeye[candjî | candjî l’ côde wiki]

soyreye

Tuzance walone[candjî | candjî l’ côde wiki]

Michel Piette sicrît des prôzes so ç' payis la. Il a ratourné li live so Antoine Quinay, on dzarteu el guere di 14, ki s' a catchî lontins dins les bwès inte France et Beldjike.

Hårdêye difoûtrinne[candjî | candjî l’ côde wiki]

Responda so Toenne Kinai (so l' Aberteke)

Commons
Commons
I gn a so les cmons Wikipedia des imådjes ou fitchîs son a vey avou Vierziye .