Eplaidreyes Rex

Les Eplaidreyes Rex, c' est l' eterprijhe d' eplaidaedje aloyeye å mouvmint recsisse, tins des anêyes 1930.

Gazetes

Les Eplaidreyes Rex ont fwait rexhe sacwants gazetes :

• Soirées
• Vlan (1933)
• Rex : c' est ç' gazete la k' a dabôrd eplaidî Li Blanke Dame di Joseph Mignolet a môde di fouyton

Lives

Bibioteke walone

Bibliothèque wallonne (sicrît e francès), c' est l' no del coleccion d' lives e walon des Eplaidreyes Rex. C' est aprume Amand Géradin k' a bouté so ces lives la.

Djivêyes des lives del coleccion :

• Prumîre Fornêye (powinmes, 1930) d' Amand Géradin
• Florilège Wallon (i gn a eto èn ôte tite, e latén : Dulcissima o Wallonia !), ene ramexhnêye di set powetes walons (Nicolas Defrecheux, Martin Lejeune, Henri Simon, Lucien Maubeuge, Joseph Calozet, Marcel Launay et Joseph Mignolet), avou on ratournaedje e francès par Amand Géradin (1931)
• Tote mi ame (powinmes, 1932) d' Amand Géradin (avou on ratournaedje e francès)
• Li Blanke Dame (roman) di Joseph Mignolet

Les Eplaidreyes Rex ont ossu eplaidî ene modêye e francès del Blanke Dame. C' est co Amand Géradin k' a siné l' ratournaedje.