Les Libins

Les Libins (prononcî avou on longou «I» Lîbin /liː'bɛ̃/; fr: Libin, avou on court «I»), c' est l' vî no ki l' viyaedje aveut rçû cwand s' a basti li Basse Libin (fr. Libin-Bas). Li prumî coulot s' a adon motoit rlomé li Hôte Libin (fr. Libin-Haut).

eglijhe

C' est èn ancyin ptit ban del Walonreye, divnou intité.

Mwaissès dnêyes

• Dimorants: 1590 (2004)
• Limeros del posse (nén candjî):
  • asteure: 6890
  • Di 1969 a 1977 : 6910.
• Limero diyalectolodjike: Ne 24
• Arondixhmint: Li Tchestea.
  • Lomaedje: Libinî, Libinresse; (F. Libinois, oise)
• Lomaedje et spotaedje des djins did la:
  • Sipotaedje: les Tchéns (so plaece : Tchins).
  • Rime-rame avou li spot des dmorants, et des cis des viyaedjes alintoû: A Our, li diåle î court; a Maissin, on l' ratind; a Anloe, on l' fote sol toet, a Viyance, on lyi fote so s' panse; a Transene, on lyi fote so s' schene; a Smu, on lyi fote so s' cou et ås Libins, on l' pind. Candjante : …ås Libins, on fwait lancî pås Tchéns.

Nos di des plaeces des Libins

Fond des vås

Plake "Li Marokin"

• Li Perijhea (so plaece Pèrijê).
• Les Troufreyes.
• Li Gros Bî.
• Li Marokin (plaece wice ki l' prumî sôdård di l' årmêye francesse (on spahi marokin) fourit touwé tins del deujhinme guere daegnrece)
• Rowe do Curé.
• Li Cwårtî latén.
• Li Taesnire (la-minme : La Tachnîre)
• Fond des Vås (Fond dès Vaus)
• Perijhea (Pèrijê)

A vey

Les Troufreyes : troufires, k' on-z î a saetchî al troufe disk' e 1950, ki sont divnowes ene Rezieve Naturele.

Istwere

L' Ofinsive a passé tot près.

• 
  Rimimbrance di l' egzôde di 1940
• 
  a l' Ofinsive

Tuzance walone

Loukîz a : Libin#Tuzance walone

Sicrijheu e walon

Antoine Duchêne a scrît ene pîce di teyåte e 1930 (La Revue libinoise). mins il a stî touwé come rezistant tins del guere.

Gazete coinrece avou do walon

Nanesse, ki parexheut diviè 1930. Gn aveut des côps des rimas e walon. Metans :

Kî çki mete des beas dvantrins ?

C' est Fraziye Constantin.

Come totes les sfwaitès gazetes, elle ont djoké pask' i gn aveut ditrop di canlaedje so les djins.

Imprimeu k' a publiyî do walon

Imprimreye A. Duchêne, k' a-st eplaidî «L' Årdene foyowe», et deus ôtes lives da Pierre-Joseph Dosimont e moes d' avri 1944.

Eredjistrumint

Eredjistrumint del fåve do vî vî tins «Li bijhe et l' solea» ratournêye pa Edith Godart avou l' accint d' Libin pol Djåzant atlasse éndjolike des lingaedjes di France et d' avår la

• Tecse et comintåres
• Schoûtez lu vaici

Dins les belès letes e walon

On djåze des Libin sacwants côps dins «L'Ardenne fouyue» da Pire-Djôzef Dozîmont. Gn a minme on tecse ki n' cåze ki d' Libin (Bonne garde). On î mostere l' idêye des djins del prumire mitan do 20inme sieke so les deus Libin:

poem>Sol plin do dzeu ki l' viyaedje coûtive,

C' est si e rpois ! Mins dmorer dzo Et s' må stitchî li long des rives

D' ene aiwe di fagnes, d' abimes, a, non !</poem>

Hårdêye difoûtrinne

Li gros bî (arimé so on rixhot d' Libin).