Ké bea bouket (antolodjeye)

Qué bia bouquèt!

Ké bea bouket (Qué bia bouquèt !), c' est ene antolodjeye di scrijheus e walon do grand Payis d' Nameur. Aprume les cis aloyîs ås Relîs namurwès, cabén k' i soeyexhe foû d' l' aroyaedje do walon do Mitan.

Gn a deus stroetès plakes ki vont avou. Ladvins, vos ploz schoûter tos les tecses des scrijheus ritnous dins l' antolodjeye.

L' ouve, enondêye pa Paul Gilles, a rexhou e 2023, gråce å boutaedje di tote ene ekipe di Relîs et Relîtes.

L' adrovaedje est scrît e francès pa Jean Germain. Li dvanzouve di Joseph Dewez.

ISBN 978-2-96033-400-5

Istwere do pordjet[candjî | candjî l’ côde wiki]

C' est Paul Gilles k' a yeu l' idêye di fé ene sacwè come l' antolodjeye Scrijheus d' Årdene, la k' il aveut ovré avou Mitchî Francård et Djowel Tiri cwand il avént adiercî ci pordjet la e 2002. Adon, i boutéve po l' emission 900.000 Walons.

Hay evoye po rashonner ene peclêye di tecses, avou l' aidance di Lucien Somme, et d' els eredjistrer dins les studios RTBF du Nameur.

Il esteut tins ! E 2003, li RTBF clapéve l' ouxh sol beur, et abandner les studios d' Nameur. E 2006, c' est Lucien Somme ki leya les Relîs hatche et matche. Li pordjet s' edoirma dins les ridants do På Djîle.

Mins — tchance eto — la k' i rtome dissu tot rnaxhant dins ses egurniyaedjes e 2011. Et ridmander aidance a Victor Georges. L' ovraedje di relijhaedje di scrijheuses et scrijheus ratake, bråmint pal moennance da Anne-Marie François. L' eredjstrumint si fwait dins des studios privés a Erpint. Les deus plakes sont tote fwaites e 2016. Gn a pus k' a bouter sol live. Set ans après (on dit k' les Namuwès sont londjins), el cayet esteut presse a esse sipårdou.