Tchanson e walon

Pol discramiaedje des årtikes avou l' mot « Tchanson e walon », loukîz cial.

viye tchanson (Harbouya)

Tecse d' ene tchansonete so les femes

Ene tchanson e walon, c' est ene tchanson ki les paroles sont pår e walon. Li ci (cene) k' elzès tchante divant les djins u fé des plakes avou, c' est on tchanteu e walon (ene tchanteuse e walon).

Sacwantès viyès tchansons e walon ont stî rashonnêyes dins des lives di tchansons e walon.

Li tchanson est eto bén vicante dins les ôtes pitits lingaedjes d' oyi.

Istwere

Les tchansons e walon sont les pus vîs cnoxhous tecses e walon. Les prumires datèt d' aviè 1600.

E 17inme et 18inme sieke, gn a yeu eto les Noyés walons.

Tot on tins, on tchantéve les tchansons e walon so des airs al môde di des tchansons e francès. On pleut aveur deus u troes diferins tecses sol minme air. Metans Lolote eyet l' pantalon trawé.

Rilomêyès tchansons e walon

Gn a des rlomêyès bates di tchanson e walon, come li Grand Pris del Tchanson e walon, k' a stî replaecî pal fiesse del tchanson e walon (a cmincî di 1999).

Li tchanson e walon li pus cnoxhowe totavå, c' est li ptite gayole.

Li cene k' a stî l' pus hôt dins les hit-parådes, c' est sins manke Djhan Pinson, k' a stî limero onk tot on tins e Kebek (divant Céline Dion).

C' est ene tchanson e walon, li Tchant des Walons k' a divnou l' ime nåcionå del Walonreye.

Sacwantès rlomêyès tchansons e walon

Loukîz a : Djivêye di tchansons e walon

Tchansons ratournêyes e walon

• Payis d' Tchålerwè (da Jacques Bertrand, tchanteu tchålerwetî eyet francès-cåzant)
• So nosse voye (da Black M, tchanteu francès-cåzant)
• Tot m' pormoennant…

Hårdêyes divintrinnes

• Waibes avou des tchansons e walon
• Tchansons studeyes ezès scoles di rfondou walon d' Bive
• Li halcrosse E dins l' tchanson e walon

Hårdêyes difoûtrinnes

• 150 tchansons e walon avou les pårticions (rashonnêyes pa Djohan Viroux)
• Pådje des tchansons et des tchanteus e walon (so l' Aberteke)
• (fr) Tchansons et tchanteus e walon d' ouy (soce «Patoizez-vous»).