Coleccion do Bourdon

Èn årtike di Wikipedia.
imådjete do Bourdon
imådjete do Bourdon

Li coleccion do Bourdon, c' est ene coleccion d' lives e walon k' a stî enondêye påzès Edicions do Bourdon e 1994.

Les lives ni sont nén limerotés. Gn a did tot : des schôtlêyes di tecses, des ramexhnêyes di portraits, des sovnances, des schorseyes d' arimés, des pinsêyes, evnd.

Tos les scrijheus sont do Coûtchant walon (bråmint do costé d' Tchålerwè, sacwants del Lovire).

Pacô, on-z a rcwerou des tecses ancyins ki n' avént nén rexhou : tchansons da François Loriaux, "Fåve do Baron d' Fleuru" (volêye 5) da Henri Pétrez, "Tiesses pelêyes" et "Do tcherbon dins les flates" da Emile Lempereur, "les arnagas" da Henri Van Cutsem, "Djonnesse a målvåt" da Willy Bal.

U ene schôtlêye di tecses k' avént parexhou di håre et d' hote (metans da René Painblanc u Robert Mayence).

Des ôtes côps, c' est des noveas scrijhaedjes, mins di rlomés scrijheus (Jean-Luc Fauconnier, Danielle Trempont, Dominique Heymans).

Sacwants côps, li coleccion a-st eplaidî des noveas scrijheus (Joseph Bodson, Roger Foulon, Louis Marcelle, Amanda Dechamps).

Gn a yeu disk' a 4 rexhowes par an (sovint po les fiesses del Walonreye, e moes d' setimbe).

A costé des desséns, gn a tofer on dessineu, sovint diferint, po-z enimådjî l' live.

Li coleccion a yeu bråmint des subzides do CRLE.

Il ont on limero ISBN dispu 2003.

Sacwants lives del coleccion[candjî | candjî l’ côde wiki]