Nosse comene dit OYI (label)

Èn årtike di Wikipedia.
(Redjiblé di Nosse comene dit oyi)
Sauter à la navigation Sauter à la recherche
Les dijh prumirès comenes sineuses do label
Spitch da Alda Greoli
Spitch da Michel Francard

Nosse comene dit OYI (en alzacyin JA fer unseri Sproch, e-n occitan Òc per l'occitan, e burton Ya d'ar brezhoneg)[1], c' est ene operåcion ki dene ene ricnoxhance oficire a ene comene ki fwait toplin des accions po fé rviker on lingaedje dilérin djåzé so si stindêye di tere.

Po sacwants lingaedjes, gn a eto des soces ki pårticipèt.

pol walon[candjî | candjî l' côde wiki]

Istwere[candjî | candjî l' côde wiki]

L' idêye a stî enondêye e 2016 pa Nadine Vanwelkenhuyzen k' aveut ddja oyou djåzé d’ on sfwait label el France (pol burton, l’ alzacyin, l’ occitan u l' galo).

Ele li prezinta å comitî del soce «Fiesse ås lingaedjes walons», dizo l' cogne d' on label come li ci des pus beas viyaedjes del Walonreye, metans.

Di l’ apinse teyorike, l’ enondaedje do pordjet va passer pa on tuzoe avou Marius Gigot, Jean-Luc Fauconnier, Baptiste Frankinet, Michel Francard et Alix Dessargues.[2]

Contnou des egadjmints[candjî | candjî l' côde wiki]

Po-z awè l' label, tchaeke comene doet s' egadjî a fé 15 diferinnès accions pol walon dins 5 dominnes. Tchaeke accion rapoite 5 u 10 ponts. Po-z awè l’ acertineure, les comenes divèt awè al boune 100 ponts.

Dominnes

  • Dominne 1 : atôtchance (*) siner li « tchåte des spotchîs lingaedjes d’ Urope » (10 ponts); (*) mete on tecse e walon dins l’gazete del comene (10 ponts); (*) mete do walon dins les papîs u les emiles oficirs del comene.
  • Dominne 2 : tuzance (culteure): (*) pruster ene såle ås soces di waloneus (10 ponts) (*) mete des lives e walon dins l’ bibioteke del comene (10 ponts); (*) fé èn ocupaedje e walon (u sol walon) tos ls ans (5 ponts).
  • Dominne 3 : scolaedje (*) fé on ptit live sol walon a dner ås parints des scolîs (10 ponts).
  • Dominne 4 : veyåvté (*) plakes di rowes e walon (10 ponts); (*) plakes d’ esplicaedje e walon dins sacwants monumints (5 ponts)
  • Dominne 5 : Tourisse et economeye: (*) pormoennådes guidêyes e walon (10 ponts); riclame po rén sol waibe del comene ås comieces k’ åront des essegnes e walon, u des mots walons dins leu botike (5 ponts).

Prumîs sinaedjes[candjî | candjî l' côde wiki]

Les dijh prumirès comenes k' ont siné po l’ awè, li prumî d' måss 2018, a Nameur, dins les waibes del vice-prezidinte del Walonreye, Alda Greoli.

Vola les comene k' on-z a dit, (inte di zeles les troes grandès veyes del Walonreye):

Avançmint[candjî | candjî l' côde wiki]

Al fiesse ås lingaedjes walons 2018, cwate mayeurs u mayoresse, les cis di Blegné, Hu (ki djåza walon), Djeve (ki djåza ene miete walon) et Nameur (ki préjha l' walon) vinît dire leu-z avizance sol pordjet. I respondît a Alix Dassargues, novele responsåve do cayet.

Et gn a dijh noveas aprestaedjes po dire oyi: Bive, Fosse-li-Veye, Hesta, Nivele, Walin (payis strictumint walon-cåzants), Bruniau (payis picård), Aterte (payis lussimbordjwès-cåzant) eyet Biaumont, Chimai et Fritchapele (Bote do Hinnot, aschates walon-picård).[3]

Hårdêyes difoûtrinnes[candjî | candjî l' côde wiki]

Sourdant[candjî | candjî l' côde wiki]

Commons
I gn a so les cmons Wikipedia des imådjes ou fitchîs son a vey avou l' label «Nosse comene dit oyi» .
  1. li no do label est ratourné dins l' lingaedje oficir («ma commune dit OUI», «OUI à la langue bretonne»), ou halif halof («ma commune dit OYI», «ma commune dit JA»).
  2. Li Rantoele l° 85, bontins 2018
  3. Lucien Mahin, Li Rantoele 86, esté 2018.